Civilnet
Ադրբեջանի արտգործնախարար Ջեյհուն Բայրամովը ընդունել է Եվրոպայի և Եվրասիայի հարցերով ԱՄՆ պետքարտուղարի օգնականի տեղակալ Ջոշուա Հաքի գլխավորած պատվիրակությանը, այդ մասին հայտնում է ադրբեջանական APA գործակալությունը։
Ըստ աղբյուրի՝ կողմերը քննարկել են Հայաստան-Ադրբեջան խաղաղության գործընթացի ներկա իրավիճակն ու հեռանկարները, ինչպես նաև ադրբեջանական կողմը տեղեկացրել է այդ գործում առկա «խոչնդոտների» մասին։
Բացի այդ, երկու երկրների պատվիրակությունները զրուցել են ամերիկա-ադրբեջանական հարաբերությունների մասին՝ կենտրոնանալով նաև էներգետիկ հարցերի վրա։
Ամերիկացի պաշտոնյան նախօրեին Հայաստանում էր, որտեղ հանդիպել էր Հայաստանի արտգործնախարար Արարատ Միրզոյանին, ինչպես նաև Անվտանգության խորհրդի քարտուղար Արմեն Գրիգորյանին։ Հայ-ամերիկյան բանակցություններում կողմերն անդրադարձել են Հայաստան-Ադրբեջան կարգավորման գործընթացին, ինչպես նաև զրուցել Հայաստանի և Միացյալ Նահանգների միջև ռազմավարական գործընկերության մասին:
Պատմություններ
