Civilnet
Շուտով շատ հետաքրքիր նորություն կլինի։ Անդրադառնալով Հայաստանի անվտանգությանը, լրագրողների հետ զրույցում այս հայտարարությունն արել է ԱԺ նախագահ Ալեն Սիմոնյանը։
«Պետությունը նորմալ վիճակում է, անվտանգային հարցերը նորմալ վիճակում են, աշխատում ենք դրա շուրջ, շուտով շատ հետաքրքիր նորություն կլինի, կարծում եմ մյուս ամիս վարչապետն ասուլիս կտա և կպատասխանի բոլոր հարցերին»,- ասել է Սիմոնյանը։
Մայիսի 19-ին լրագրողների հետ զրույցում Ալեն Սիմոնյանը չէր բացառել, որ հայ-ադրբեջանական քննարկումներն ապագայում կշարունակվեն երկրների ղեկավարների, արտաքին գործերի նախարարների ձևաչափով։
Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը մայիսի 16-ին Տիրանայում կարևորել էին խաղաղության համաձայնագրի ստորագրման ուղղությամբ գործընթացի շարունակականությունը:
Անդրադառնալով այս հանդիպմանը, ԱԳ փոխնախարար Վահան Կոստանյանը լրագրողներին ասել էր, որ Փաշինյանն ու Ալիևը պատրաստակամություն են հայտնել շարունակել քննարկումները խաղաղության պայմանագրի ստորագրման ուղղությամբ։
Պատմություններ
