Իրանի դեմ հարձակումը սպառնում է տարածաշրջանային կայունությանը․ ՀՀ ԱԳՆ
Civilnet
Հայաստանի արտաքին գործերի նախարարությունը մտահոգություն է հայտնել Իսրայելի կողմից Իրանի նկատմամբ իրականացված միակողմանի հարձակման առնչությամբ։ Հայտարարության մեջ նշվում է, որ այդ գործողությունը, հատկապես հաջորդ բանակցությունների փուլից առաջ, վտանգում է խաղաղությանն ուղղված ջանքերը, ինչպես նաև տարածաշրջանային կայունությունն ու համաշխարհային խաղաղությունը։
«Դատապարտում ենք նման գործողությունները և կոչ անում անհապաղ դադարեցնել ռազմական գործողությունները ու պահպանել միջազգային իրավունքը»,- ասված է հայտարարության մեջ։
Հունիսի 13-ին լույսը չբացված Իսրայելն ավիահարվածներ է հասցրել Իրանին։ Հարձակման հետևանքով իրանցի բարձրաստիճան պաշտոնյաներ են զոհվել։
Ի պատասխան՝ Իրանը, ըստ Իսրայելի պաշտպանության բանակի, 100 անօդաչու թռչող սարք է արձակել Իսրայելի ուղղությամբ։ Իսրայելում արտակարգ դրություն է հայտարարվել։
Պատմություններ
