Իրանական հրթիռներն ընկել են Իսրայելի հիվանդանոցի վրա
Civilnet
Իրանական բալիստիկ հրթիռային հարվածներից զգալի վնաս է հասցվել Իսրայելի Սորոկա հիվանդանոցին, հայտնել է հիվանդանոցի խոսնակը։
«Տարբեր հատվածներում կա մեծ վնաս, մենք հիմա գնահատում ենք իրավիճակը, վիրավորների առկայությունը»,- ասել է նա՝ կոչ անելով ներկայումս չգալ հիվանդանոց։
Իսրայելի վարչապետ Բենյամին Նեթանյահուն արձագանքելով հարձակմանը X-ի իր միկրոբլոգում գրել է․
«Այս առավոտ Իրանի ահաբեկիչ բռնապետները հրթիռակոծել են Սորոկա հիվանդանոցը Բեեր-Շևայում և խաղաղ բնակչությանը երկրի կենտրոնում։ Այդ բռնապետները կվճարեն Թեհրանում»,- գրել է նա։
Իսրայելի փոխարտգործնախարար Շարեն Հասկելը հարվածը որակել է որպես «նպատակաուղղված հարձակում քաղաքացիական օբյեկտի վրա»՝ ընդգծելով, որ Սորոկան Նեգևի շրջանի հիմնական բժշկական կենտրոնն է։
Իսրայելի Պաշտպանության բանակի տվյալներով՝ Իրանը հինգշաբթի առավոտյան արձակել է «տասնյակ» հրթիռներ՝ թիրախավորելով քաղաքացիական տարածքներ, այդ թվում՝ Սորոկա հիվանդանոցը։
Տեղադրություն
Պատմություններ
