Civilnet
Նախաքննական մարմինը պատրաստվում է Բագրատ Գալստանյանի նկատմամբ 24 ժամվա ընթացքում կալանքի միջնորդություն ներկայացնել դատարան։ Այս մասին լրագրողներին հայտնել է նրա փաստաբանը՝ Սերգեյ Հարությունյանը։
«Սրբազան շարժման» առաջնորդ Բագրատ Գալստանյանին մեղադրանք է առաջադրվել ահաբեկչություն կազմակերպելու, զանգվածային անկարգություններ հրահրելու և իշխանությունը զավթելու փորձի հոդվածներով։
Փաստաբանի փոխանցմամբ՝ Գալստանյանը չի ընդունում իր դեմ ներկայացված մեղադրանքները։
Նրա խոսքով՝ իրավապահների գործողությունները կանխատեսելի էին։
Բագրատ սրբազանը ձերբակալվել է Ազգային անվտանգության ծառայության աշխատակիցների կողմից՝ մի քանի ժամ տևած խուզարկությունից հետո։ Մինչ այդ Քննչական կոմիտեն հայտարարություն էր տարածել՝ պնդելով, թե «Սրբազան պայքարի» շարժման ղեկավարներն ու մասնակիցները պլանավորել էին Հայաստանում իրականացնել ահաբեկչական գործողություններ՝ միտված իշխանության բռնի զավթմանը։
Պատմություններ
