Civilnet
Ադրբեջանի Միլլի Մեջլիսը երրորդ ընթերցմամբ հաստատել է «Նախիջևանի Ինքնավար Հանրապետության սահմանադրության մեջ փոփոխություններ կատարելու մասին» սահմանադրական օրենքի նախագիծը, որը զգալի փոփոխություններ է ենթադրում Նախիջևանի իրավական կարգավիճակի և կառավարման կառուցվածքի մեջ։
Ըստ հաստատված փաստաթղթի՝ սահմանադրությունից ամբողջությամբ հեռացվել են 1921-ի Մոսկվայի և Կարսի պայմանագրերի բոլոր հիշատակումները։ Դրանց փոխարեն սահմանադրության տեքստում ամրագրվել է, որ «Նախիջևանի ինքնավար հանրապետությունն Ադրբեջանի անբաժան մասն է»։
Փոփոխությունները նաև զգալիորեն կրճատում են Նախիջևանի կառավարության ինքնավարությունը։ Այսուհետ կառավարության գործունեությունը կվերահսկվի ոչ թե Նախիջևանի Գերագույն խորհրդի կողմից, այլ անմիջապես Ադրբեջանի նախագահի։
Նոր սահմանադրությունն առաջարկում է փոխել Գերագույն Մեջլիսի ընտրություններ նշանակելու կարգը։ Գործող օրենսդրության համաձայն՝ Ինքնավար Հանրապետության Գերագույն Մեջլիսի ընտրությունները նշանակում է Նախիջևանի խորհրդարանի նախագահը։ Սակայն նոր փաստաթղթում ընդգծվում է, որ Մեջլիսի ընտրությունները կնշանակի Ադրբեջանի նախագահը Նախիջևանի Մեջլիսի նախագահի առաջարկների հիման վրա։
Պատմություններ
