Ցմահ դատապարտյալ Մհեր Ենոքյանն ազատ է արձակվել

Ցմահ դատապարտյալ Մհեր Ենոքյանը 29 տարի անազատության մեջ գտնվելուց հետո պայմանական վաղաժամկետ ազատ է արձակվել։ Այս մասին ՍիվիլՆեթի հետ զրույցում հայտնեց արդարադատության նախարարի մամուլի խոսնակ Մարիամ Մելքումյանը։

Ենոքյանին մեղադրանք է առաջադրվել համակուրսեցի Իոսիֆ Աղաջանովին սպանելու համար։ Նա 1996-ին նոյեմբերի 29-ին դատապարտվել է մահապատժի։ Ըստ դատավճռի՝ հանցագործությունը Ենոքյանը կատարել է ընկերոջ՝ գյուղատնտեսական ինստիտուտի ուսանող Արամ Հարությունյանի հետ, վերջինիս տանը: 2003-ին, երբ մահապատիժը վերացավ Հայաստանում, Մհեր Ենոքյանը դատապարտվեց ցմահ ազատազրկման։