Civilnet
Բարձրագույն դատական խորհրդի (ԲԴԽ) նախկին նախագահ Ռուբեն Վարդազարյանը մեղավոր է ճանաչվել պաշտոնեական դիրքի չարաշահման համար և դատապարտվել 1 տարի 6 ամիս ազատազրկման։ Հակակոռուպցիոն դատարանը, դատավոր Վահե Դոլմազյանի նախագահությամբ, նրան նաև 2 տարով զրկել է պետական ու ՏԻՄ համակարգում պաշտոն զբաղեցնելու իրավունքից։
Դատավճիռը հրապարակվել է օգոստոսի 8-ին։ Ըստ մեղադրանքի՝ Վարդազարյանը, 2019-ին ԲԴԽ նախագահ եղած ժամանակ, իր պաշտոնեական դիրքն օգտագործելով՝ միջամտել է Լոռու մարզի ընդհանուր իրավասության դատարանի դատավոր Անդրանիկ Սիմոնյանի կողմից արդարադատության իրականացմանը։
Վարդազարյանը մեղադրանքը չի ընդունել։
Ռուբեն Վարդազարյանը ԲԴԽ նախագահ էր ընտրվել 2019-ին, նրա լիազորությունները դադարեցվել էին 2022-ին։ Ռուբեն Վարդազարյանի լիազորությունները պաշտոնապես կասեցվել էին 2021-ի ապրիլի 15-ին։ Դրա համար հիմք էր հանդիսացել արդարադատությանը խոչընդոտելու հոդվածով նրա դեմ հարուցված քրեական գործը։
Պատմություններ
