Civilnet
ՊԵԿ նախկին նախագահ Վարդան Հարությունյանը 2 ամսով կկալանավորվի։ Այս մասին դատարանի բակում լրագրողներին հայտնեց Հարությունյանի փաստաբանը։
«Դատարանի որոշումը դեռ չկա, բայց քաղվածքում գրված է, որ Հարությունյանը կկալանավորվի 2 ամսով»,- ասաց փաստաբանը։
Փաստաբանի համոզմամբ՝ Վարդան Հարությունյանի ձերբակալությունն ու կալանքն ապօրինի է։
Այսօր ավելի վաղ Հակակոռուպցիոն կոմիտեից ՍիվիլՆեթին հայտնել էին, որ հակակոռուպցիոն կոմիտեում քննվող քրեական վարույթի շրջանակում ձերբակալվել է ՊԵԿ նախկին նախագահ Վարդան Հարությունյանը՝ ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներով։
Պատմություններ
