Civilnet
Դատախազը 2,5 տարվա ազատազրկում է պահանջում 31-շաբաթական հղի Սոնա Մնացականյանին մահացու վրաերթի ենթարկելու գործով մեղադրվողի՝ վարչապետի ավտոշարասյան նախկին ղեկավարի համար։
Օգոստոսի 18-ին դատարանում հանրային մեղադրողը միջնորդեց վարչապետի ավտոշարասյան նախկին ղեկավար Արամ Նավասարդյանին դատապարտել 2 տարի 6 ամիս ժամկետով ազատազրկման և 1 տարով զրկել տրանսպորտային միջոց վարելու իրավունքից։ Մինչ այդ էլ հանրային մեղադրող Արմեն Բեգլարյանը նշում էր, որ Նավասարդյանի կատարած հանցագործությունը դասվում է միջին ծանրության հանցագործությունների շարքին, որի համար սահմանվում է պատիժ ազատազրկում մինչև 5 տարի ժամկետով։
Սոնա Մնացականյանի հայրն էլ ասաց, որ իրենք ցանկանում են, որ Նավասարդյանը դատապարտվի 4 տարի ազատազրկման։
2022-ի ապրիլի 26-ին Նավասարդյանի վարած մեքենան Երևանում վրաերթի էր ենթարկել 31-շաբաթական հղի Սոնա Մնացականյանին, որի հետևանքով նա և պտուղը մահացել էին։ Ըստ մեղադրանքի՝ Նավասարդյանը գերազանցել է սահմանված արագությունը, իսկ ավտոշարասյունը վրաերթից հետո կանգ չի առել՝ օգնություն ցուցաբերելու համար։
Այնուհետև դատարանն անցավ փոխհատուցման հայցի քննարկմանը։ Պաշտպանական կողմը նշեց, որ տվյալ դեպքում գույքային հարցի պատասխանատվությունը պետք է դրվի գործատուի, այսինքն՝ ՀՀ կառավարության վրա։
Կարդացեք նաև՝
Պատմություններ
