Փաշինյանն ու Էրդողանը քննարկել են փոխվստահության մթնոլորտն ու հաղորդակցությունները
Civilnet
Չինաստանի Թիենծին քաղաքում անցկացվող Շանհայի համագործակցության կազմակերպության գագաթնաժողովի շրջանակներում սեպտեմբերի 1-ին կայացել է Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը։
Ըստ վարչապետի գրասենյակի տարածած հաղորդագրության՝ զրուցակիցները կարևորել են տարածաշրջանում կայունության և խաղաղության հաստատմանը միտված քայլերը։
«Վարչապետ Փաշինյանը և նախագահ Էրդողանը շեշտել են կառուցողական մոտեցումների պահպանման անհրաժեշտությունը՝ փոխվստահության մթնոլորտի ձևավորման և տարածաշրջանային հաղորդակցությունների զարգացման նպատակով։
Կողմերը պայմանավորվել են շարունակել երկխոսությունը», - նշված է հաղորդագրությունում։
Փաշինյանն իր ֆեյսբուքյան էջում տեսանյութ է հրապարակել այդ հանդիպումից։
Տեղադրություն
Պատմություններ
