Civilnet
ՀՀ ներքին գործերի նախարար Արփինե Սարգսյանը խորհրդակցություն է անցկացրել Քրեական ոստիկանության գլխավոր վարչության կազմակերպված հանցավորության դեմ պայքարի նորաստեղծ վարչությունում։ Քննարկվել են կատարված աշխատանքները, որոնց արդյունքում, ըստ ՆԳՆ-ի, պետբյուջե է վերականգնվել բացահայտված պետական վնասի ընդամենը 1,57 տոկոսը։
Ներքին գործերի նախարարության տարածած հաղորդագրության համաձայն՝ պետությանը և համայնքներին պատճառված նյութական վնասը կազմել է 3,4 մլրդ դրամ։ Ընդ որում, միայն մեկ բացահայտման արդյունքում չվճարված հարկերի ընդհանուր գումարը կազմել է շուրջ 3 մլրդ դրամ։
Ըստ ՆԳՆ-ի՝ ձեռնարկված միջոցառումների արդյունքում պետական բյուջե վերականգնվել է շուրջ 54 մլն դրամ։ Սա նշանակում է, որ վերականգնվել է հայտնաբերված ընդհանուր վնասի մոտ 1,57 տոկոսը։
Հաղորդագրության համաձայն՝ չնայած պատճառված վնասի և վերականգնված գումարի զգալի տարբերությանը, նախարար Արփինե Սարգսյանը դրական է գնահատել կատարված աշխատանքը։
Պատմություններ
