250 մլն դրամ է վերականգնվել հարկերից խուսափելու գործով․ ՔԿ

ՀՀ քննչական կոմիտեն հայտնում է, որ շինանյութի մանրամեծածախ առևտրով զբաղվող ընկերության կողմից պետությանը պատճառված 250 մլն դրամի վնասը վերականգնվել է։ Ընկերությունը մեղադրվում է խոշոր չափերով հարկեր թաքցնելու մեջ։

Ըստ Քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում նախաձեռնված քրեական վարույթի՝ ընկերությունը 2021-2024 թվականների ընթացքում իրացման շրջանառությունը թերհայտարարագրելու միջոցով պակաս հարկեր է հաշվարկել և վճարել պետական բյուջե։

Գերատեսչության հաղորդմամբ՝ քրեական վարույթի շրջանակում իրականացված գործողությունների արդյունքում պետությանը պատճառված 250 մլն ՀՀ դրամի վնասը ամբողջությամբ վերականգնվել է։

Նախաքննությունը շարունակվում է։