Civilnet
Հայաստան-Թուրքիա հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը Հայաստան այցելելուց առաջ՝ սեպտեմբերի 11-ին, խոսել է առաջիկա բանակցային օրակարգի մասին, հայտնում է թուրքական Anadolu-ն։
Քըլըչն այցելել է Իգդիր՝ հանդիպելու նահանգապետ Էրջան Թուրանին։ Մեկնաբանելով սպասվող բանակցությունները՝ Քըլըչը հիշատակել է հաղորդակցային ուղիների հարցը և նշել Հայաստանի տարածքով Ադրբեջանը Նախիջևանին միացնող ճանապարհը։
«Այդ հաղորդակցությունը շատ կարևոր է։ Զանգեզուրի ուղին ոչ միայն վերաբերում է Հայաստանին ու Թուրքիային, այլև ճանանարհ է բացում դեպի ամբողջ Կենտրոնական Ասիա ու թյուրքական հանրապետություններ։ Աստված տա՝ մեր նախագահի հանձարարականի համաձայն կարճ ժամանակում այդ ճանապարհը բացվի, հատկապես մեր ամենամեծ նպատակն է նպաստելու Կարսի և Իգդիրի տնտեսությունների զարգացմանը»։
Թուրքիայի հատուկ ներկայացուցիչը շեշտել է Հայաստանի պատրաստակամությունը բացելու սահմանը՝ հավելելով, որ ծրագրերի իրականացման համար անհրաժեշտ է տեխնիկական աշխատանքներ իրականացնել։
«Մենք կդիտարկենք այդ հնարավորությունները և կորոշենք, թե ինչ կարելի է անել երկու երկրների, հատկապես՝ այս տարածաշրջանի տնտեսական կյանքի համար», - ընդգծել է բանագնացը։
Պատմություններ
