Civilnet
Սեպտեմբերի 29-ին ՊՆ շենքի մոտ տեղի ունեցած քաշքշուկի առթիվ ՊՆ և ՌՈ ծառայողների հաղորդման հիման վրա նախաձեռնված վարութի շրջանակներում ձերբակալվել են անհայտ կորած անձանց հարազատներ Արսեն Ղուկասյանը և Ապիջան Սարգսյանը: Այս մասին մասին ֆեյսբուքյան իր էջում հայտնել է անհայտ կորած անձանց հարազատների փաստաբան Տաթևիկ Սողոյանը։
«Միջնորդություն է ներկայացվել դատարան կալանքը որպես խափանման միջոց կիրառելու համար»,- հայտնել է փաստաբանը:
Տեղեկությունը հաստատել են Քննչական կոմիտեից։
«Քրեական վարույթի նախաքննության ընթացքում 2 անձ ձերբակալվել է: Վերջիններիս նկատմամբ հարուցվել է հանրային քրեական հետապնդում խուլիգանության և պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով»,- հայտնում են կոմիտեից։
***
44-օրյա պատերազմի ընթացքում անհետ կորած զինծառայողների ծնողները սեպտեմբերի 29-ին հավաքվել էին Հայաստանի պաշտպանության նախարարության շենքի դիմաց՝ իրենց պահանջը բավարելու ակնկալիքով։ Նրանք պահանջում էին հանդիպում Զինված ուժերի գլխավոր շտաբի պետ Էդուարդ Ասրյանի և Լեռնային Ղարաբաղի պաշտպանության բանակի նախկին հրամանատար, ներկայումս ՀՀ ԶՈՒ ԳՇ պետի խորհրդական Կամո Վարդանյանի հետ։
Ակցիայի ընթացքում ծեծկռտուք էր տեղի ունեցել ծնողների և ռազմական ոստիկանության ծառայողների միջև։
Պատմություններ
