Քննչական կոմիտեում Փարաքարի դեպքերի առթիվ քրեական գործեր են հարուցվել

Արմավիրի մարզի բնակավայրերից մեկում գերեզմանատունը վնասելու դեպքի առթիվ նախաձեռնվել է քրեական վարույթ։ Այս մասին ՍիվիլՆեթին հայտնեցին Քննչական կոմիտեից։

Փարաքարի համայնքապետ Վալոդիա Գրիգորյանի սպանությունից հետո իրավիճակը լարված է համայնքում։  Նախօրեին վնասել էին համայնքի ղեկավարի սպանության մեջ մեղադրվող Նարեկ Հովհաննիսյանի եղբոր գերեզմանաքարը, ինչից հետո ծեծկռտուք էր եղել։

Քննչական կոմիտեից հայտնեցին, որ մի խումբ անձանց միջև տեղի ունեցած վիճաբանության դեպքի առթիվ նախաձեռնվել է քրեական վարույթ՝ խուլիգանության հատկանիշներով: 5 անձ ձերբակալվել է։

***

Սեպտեմբերի 26-ին Մերձավանում սպանվել է Փարաքարի համայնքապետ Վալոդիա Գրիգորյանը։ Նրա սպանության գործով ձերբակալվել է Նարեկ Օհանյանը։ Նա նախկին համայնքապետ, ՔՊ-ական Մհեր Ախտոյանի հորաքրոջ որդին է և փետրվարին սպանված Գրիգոր Օհանյանի եղբայրը։

Սեպտեմբերի 28-ին ձերբակալվել է նաև Գևորգ Հարությունյանը։ Նա խոստովանական ցուցմունք է տվել Վալոդիա Գրիգորյանի սպանության գործով։ Իրավապահները հայտնաբերել են նաև հանցագործության գործիք հրազենը։