Հայաստանի ԱԳՆ-ն ողջունում է Գազայում հրադադարի մասին համաձայնագիրը
Civilnet
Հայաստանի Արտգործնախարարությունը ողջունում է Գազայում հրադադարի մասին համաձայնագիրը։ Այս մասին գրված է ԱԳՆ-ի X-ի միկրոբլոգում։
Երկու տարվա արյունալի պատերազմից հետո Իսրայելն ու ՀԱՄԱՍ խմբավորումը համաձայնել են Գազայում հրադադար հաստատել։ Դա հնարավոր է դարձել Եգիպտոսում ընթացող ծանր բանակցային գործընթացից հետո՝ հոկտեմբերի 8-ի երեկոյան, որում անմիջականորեն ներգրավված էին Եգիպտոսը, Կատարը, Թուրքիան և Միացյալ Նահանգները։
«Մենք ողջունում ենք Գազայում զինադադարի մասին համաձայնագիրը, որը նաև ապահովում է պատանդների ազատ արձակումը և հումանիտար օգնության ազատ մուտքը՝ միջնորդների, Դոնալդ Թրամփի առաջնորդությամբ ու անսպառ ջանքերի արդյունքում»,- հայտնել է Հայաստանի ԱԳՆ-ն՝ հույս հայտնելով, որ համաձայնագիրը ճանապարհ կհարթի Մերձավոր Արևելքում երկարատև խաղաղության և կայունության համար։
Պատմություններ
