Ալիևների երբեմնի վստահելի գաղափարակիցը մեղադրվում է իշխանության բռնի զավթման մեջ

Բաքվի դատարանը չորս ամսվա տնային կալանք է նշանակել նախագահի աշխատակազմի նախկին ղեկավար Ռամիզ Մեհդիևի համար, ով մեղադրվում է՝ իշխանության բռնի զավթման, պետական ​​դավաճանության, կեղծ ձեռնարկատիրության մեջ:

Մեհդիևը 1995-ից 2019-ը զբաղեցրել է նախագահի աշխատակազմի ղեկավարի պաշտոնը և համարվում էր երկրի քաղաքական որոշումների նախապատրաստման և իրականացման գործում կարևոր դեմք։ 2019-ին այս պաշտոնը թողնելուց հետո նա ընտրվել է Ադրբեջանի գիտությունների ազգային ակադեմիայի նախագահ, սակայն հրաժարական է տվել 2022-ին։

Ռամիզ Մեհդիևը համարվել է ինչպես Հեյդար, այնպես էլ Իլհամ Ալիևների մերձավոր դաշնակից՝ ձևավորելով իշխող համակարգի գաղափարական հիմքերը։

2019-ին նրա պաշտոնանկությունը և հետագայում՝ քաղաքական ու ակադեմիական գործունեության սահմանափակումը ընկալվեց որպես ազդեցության նվազում։ Հետագա շրջանում Մեհդիևը մի քանի անգամ հանդես է եկել կոշտ հայտարարություններով, որոնք որոշ շրջանակներում մեկնաբանվել են որպես թաքնված քննադատություն իշխանության նկատմամբ։