Civilnet
«Բաքվում պահվող անձանց հետ կապված մենք ամենօրյա աշխատանք ենք իրականացնում, ամեն օր մաքսիմալ ջանք ենք գործադրում, որ ունենանք կոնկրետ արդյունքներ»,- այս մասին հայտարարել է վարչապետ Նիկոլ Փաշինյանը հոկտեմբերի 16-ին Կառավարության նիստից հետո լրագրողների հետ զրույցում։
Վարչապետի խոսքով՝ քանի դեռ արդյունքներ չկան, ինքը չի կարող հայտարարություն անել այդ մասին։
Հոկտեմբերի 14-ին Հայաստանի ԱԳ նախարար Արարատ Միրզոյանը հույս էր հայտնել, որ Բաքվում պահվող հայ գերիների հարցով առաջիկայում լավ նորություններ կլինեն:
***
2023-ի սեպտեմբերի 19-20-ին Արցախի դեմ մեկօրյա պատերազմից և երկրամասի ամբողջ հայ բնակչության էթնիկ զտումից հետո Ադրբեջանը պատանդ է վերցրել Արցախի նախկին ռազմաքաղաքական ղեկավարությանը, որոնց թվում են երեք նախկին նախագահներ Արկադի Ղուկասյանը, Բակո Սահակյանը և Արայիկ Հարությունյանը, ԱԺ նախագահ Դավիթ Իշխանյանը, նախկին պետնախարար Ռուբեն Վարդանյանը, Արցախի Պաշտպանության բանակի նախկին հրամանատար Լևոն Մնացականյանը, ՊԲ հրամանատարի տեղակալ Դավիթ Մանուկյանը և նախկին արտգործնախարար Դավիթ Բաբայանը։ Բաքուն պաշտոնապես ընդունում է իր մոտ 23 հայ պատանդների առկայությունը, որոնց մեծ մասը գերեվարվել է 2020-ի պատերազմից հետո։
Պատմություններ
