Civilnet
Հակակոռուպցիոն դատարանը հոկտեմբերի 10-ի վճռով մասնակի բավարարել է Գլխավոր դատախազության հայցը՝ ընդդեմ Ազգային ժողովի նախկին պատգամավոր Մանվել Գրիգորյանի ժառանգների և նրան փոխկապակցված անձանց։
Վճիռն օրինական ուժի մեջ մտնելուց հետո նրանցից հօգուտ Հայաստանի Հանրապետության կբռնագանձվի ավելի քան 1,2 միլիարդ դրամի գույք և դրամական միջոցներ։
Գլխավոր դատախազությունը ապօրինի ծագում ունեցող գույքի բռնագանձման վերաբերյալ հայցադիմումը դատարան էր ներկայացրել 2022-ի հունիսի 28-ին։
Դատախազությունից հայտնում են, որ հայցադիմումի մերժված մասով կներկայացվի վերաքննիչ բողոք։
Մասնավորապես, բռնագանձման ենթակա գույքերն են՝
- Տարածք Արմավիրի մարզի Վաղարշապատ համայնքի Մաշտոցի փողոցում,
- Բնակելի տուն Վաղարշապատ համայնքի Ալավերդյան փողոցում,
- Կիսակառույց բնակելի տուն Արմավիրի մարզի Արշալույս համայնքում,
- Բնակելի տուն Վաղարշապատ համայնքի Սպարապետ Վազգեն Սարգսյան փողոցում,
- Բնակելի տուն Վաղարշապատ համայնքի Անդրանիկ թաղամասում,
- Բնակելի տուն Վաղարշապատ համայնքի Չարենց 1-ին թաղամասում,
- Կիսակառույց բնակելի տուն Վաղարշապատ համայնքի Ա.Մանուկյան թաղամասում,
- Հողամաս Արմավիրի մարզի Արշալույս բնակավայրի 17 փողոցում,
- Հասարակական կառուցապատման հողամաս Կոտայքի մարզի Հրազդան համայնքի Միկրոշրջան թաղամասի Զ.Անդրանիկի պողոտայում,
- MAYBACH մակնիշի ավտոմեքենա,
- TOYOTA LC 200 4.0, GAZ 22, GAZ 24, GAZ 24-02 և MOSKVICH 407 մակնիշի ավտոմեքենաներ,
- Գինու, կոնյակի գործարանին տրված 254 միլիոն դրամի փոխառության պահանջի իրավունքը,
- Բաց բաժնետիրական ընկերությանը տրված 33 միլիոն դրամի փոխառության պահանջի իրավունքը,
- Երկու բանկերում առկա շուրջ 9 հազար ԱՄՆ դոլարի ավանդը,
- Բաց բաժնետիրական ընկերությանը տրված 14 միլիոն 592 հազար դրամի փոխառության պահանջի իրավունքը,
- Էջմիածնի «Գրիգոր Լուսավորիչ» համալսարանին տրված 4 միլիոն 777 հազար դրամի փոխառության պահանջի իրավունքը,
- Սահմանափակ պատասխանատվությամբ ընկերության 15,9456% բաժնեմասը,
- Բանկում առկա 14 միլիոն 715 հազար դրամի և 300 ԱՄՆ դոլարի ավանդները,
- 224 հազար դրամ՝ որպես օրինական եկամուտներով չհիմնավորվող ծախս,
- 14 միլիոն 654 հազար դրամ՝ որպես ապօրինի դրամական միջոցների մնացորդ։
Պատմություններ
