Civilnet
Ալեքսանդր Կոչուբաևի խափանման միջոց կալանքը փոխվեց բացակայելու արգելքով։ Այս մասին իր ֆեյսբուքյան էջում հայտնել է Կոչուբաևի պաշտպան Էրիկ Ալեքսանյանը։
«Ալեքսանդր Կոչուբաևը քիչ անց ազատ կարձակվի կալանքից և շուտով կգտնվի կնոջ կողքին։
Շնորհակալություն ենք հայտնում ՀՀ գլխավոր դատախազ տիկին Աննա Վարդապետյանին մարդասիրական բարձր մոտեցում ցուցաբերելու համար։ Ինչպես նաև լրատվության համայնքին, հարազատներին, ընկերներին այս պահին մեր կողքին գտնվելու համար»,- գրել է Ալեքսանյանը։
Գլխավոր դատախազի խորհրդական Լուսինե Մարտիրոսյանը ևս այս մասին գրառում է արել․
«Դատախազը, քննարկելով քրեական վարույթով մեղադրյալ Ալեքսանդր Կոչուբաևի պաշտպան Էրիկ Ալեքսանյանի կողմից ՀՀ գլխավոր դատախազ Աննա Վարդապետյանին ուղղված՝ Ա. Կոչուբաևի խափանման միջոցը փոփոխելու վերաբերյալ միջնորդությունը, ինչպես նաև հիմք ընդունելով միջնորդությանը կից Ա. Կոչուբաևի կնոջ վերաբերյալ ներկայացված բժշկական փաստաթղթերը, որոշել է Ա. Կոչուբաևի նկատմամբ կիրառված խափանման միջոցը փոփոխել և նրա նկատմամբ որպես խափանման միջոց ընտրել բացակայելու արգելքը»,- գրել է Մարտիրոսյանը:
Փաստաբան Ալեքսանդր Կոչուբաևի պաշտպան Էրիկ Ալեքսանյանն այսօր դիմել էր Գլխավոր դատախազին՝ վերացնել Կոչուբաևի նկատմամբ ընտրված խափանման միջոց կալանքը։
Մեկ ժամ առաջ Գլխավոր ֆատախազությունից Սիվիլնեթին հայտնեցին, որ դիմումը գտնվում է քննարկման փուլում։
Պատմություններ
