Վահան Քերոբյանին կալանվորելու միջնորդություն է ներկայացվել. փաստաբան

Էկոնոմիկայի նախկին նախարար Վահան Քերոբյխնին կալանավորելու միջնորդություն է ներկայացվել դատարան։ Լուրը ԶԼՄ-ներին հայտնել է նրա փաստաբան Տիգրան Եգորյանը։

Քերոբյանը մեղադրանքը չի ընդունում։

Այսօր Քննչական կոմիտեն հայտարարություն էր տարածել, որից պարզ է դառնում, որ Վահան Քերոբյանը ձերբակալվել է 2008-2014 թվականներին կատարված կոռուպցիոն հանցագործությունների գործով։ ՔԿ-ի հաղորդմամբ՝ բացահայտվել է հանցավոր կազմակերպություն, որը կեղծ փաստաթղթերով ապօրինի հողատարածքներ է ձևակերպել, դրանց միջոցով հափշտակել և լվացել առանձնապես խոշոր գումարներ։ Գործի շրջանակում 12 անձի նկատմամբ կայացվել է ձերբակալման որոշում։ Այս պահին ձերբակալված է 7 անձ, այդ թվում՝ Քերոբյանը։ Նախաքննությունը շարունակվում է։