Civilnet
Թուրքիայի անվտանգության խորհուրդը նոյեմբերի 26-ի նիստում քննարկել է Հայաստան-Ադրբեջան կարգավորման հարցը, նշում են թուրքական լրատվամիջոցները։
«Հաշվի առնելով Ադրբեջանի և Հայաստանի միջև խաղաղության գործընթացում վերջին դրական զարգացումները` քննարկվել են երկկողմ և տարածաշրջանային համագործակցության հնարավորությունները, և վերահաստատվել է Հարավային Կովկասում խաղաղություն, կայունություն և զարգացում հաստատելու մեր կամքը»,- այդ մասին ասված է խորհրդի տարածած հայտարարությունում։
Ըստ թուրքական լրատվամիջոցների՝ Անվտանգության խորհրդի նիստի մեծ մասը նվիրված է եղել ահաբեկչության դեմ պայքարին, ինչպես նաև Մերձավոր Արևելքում տեղի ունեցող զարգացումներին։
Վերջերս՝ նոյեմբերի 18-ին, Թուրքիայի ԱԳ նախարար Հաքան Ֆիդանը, անդրադառնալով Հայաստան-Ադրբեջան հարաբերություններին, Թուրքիայի կողմից Հայաստանի հարաբերությունների կարգավորումը պայմանավորել էր Հայաստանի ու Ադրբեջանի միջև վերջնական խաղաղության պայմանագրի ստորագրմամբ։
«Զգայունություների հաղթահարմամբ և Ադրբեջանի հետ վերջնական համաձայնագրի կնքումից հետո Թուրքիան էլ կբացի իր սահմանային դռները Հայաստանի հետ», – նշել էր Ֆիդանը։
Պատմություններ
