Պուտինը պատրաստ է երկխոսություն վարել Մակրոնի հետ․ Պեսկով

Ռուսաստանի նախագահ Վլադիմիր Պուտինը պատրաստ է երկխոսություն վարել Ֆրանսիայի ղեկավար Էմանուել Մակրոնի հետ․ այս մասին ՌԻԱ Նովոստիին հայտնել է Կրեմլի ներկայացուցիչ Դմիտրի Պեսկովը։

«Նա խոսել է Պուտինի հետ զրուցելու պատրաստակամության մասին։ Այստեղ շատ կարևոր է, հավանաբար, հիշել այն, ինչ նախագահը ասաց ուղիղ եթերի ժամանակ։ Նա նույնպես հայտնել է Մակրոնի հետ երկխոսություն վարելու պատրաստակամության մասին։ Հետևաբար, եթե կա փոխադարձ քաղաքական կամք, ապա դա կարելի է միայն դրականորեն գնահատել», - նշել է Պեսկովը։

Նա ավելացրել է, որ երկու պետությունների առաջնորդների հնարավոր շփումները պետք է լինեն միմյանց դիրքորոշումները հասկանալու փորձ, այլ ոչ թե դասախոսություններ կարդալ։

Հուլիսին Ռուսաստանի և Ֆրանսիայի առաջնորդները երեք տարվա ընթացքում առաջին հեռախոսազրույցն են ունեցել։ Նրանք քննարկել են ուկրաինական հակամարտությունը, Թեհրանի և Թել Ավիվի միջև լարվածությունը, ինչպես նաև ամերիկյան հարվածները Իրանի միջուկային օբյեկտների վրա։ Կողմերը համաձայնություն էին ձեռք բերել շարունակել շփումները Մերձավոր Արևելքի վերաբերյալ դիրքորոշումների համակարգման համար։