Civilnet
Ձերբակալվել է ՊԵԿ նախկին նախագահի տեղակալ Վախթանգ Միրումյանը։ Նախկին պաշտոնյային ձերբակալել են Հակակոռուպցիոն կոմիտեի աշխատակիցների կողմից իրականացված գործողությունների շրջանակում։
«ՊԵԿ նախկին բարձրաստիճան պաշտոնատար անձի վերաբերյալ ՀՀ հակակոռուպցիոն կոմիտեում քննվող քրեական վարույթի շրջանակում պաշտոնեական լիազորությունները չարաշահելու մեղադրանքով ձերբակալվել է ՊԵԿ ևս մեկ նախկին բարձրաստիճան պաշտոնյա: Նախաքննության շահերից ելնելով՝ այս պահին այլ մանրամասներ չենք կարող հայտնել»,- հայտնել են Հակակոռուպցիոն կոմիտեից։
***
Օգոստոսին ձերբակալվել էր ՊԵԿ նախկին նախագահ Վարդան Հարությունյանը։
Հարությունյանին մեղադրանք էր առաջադրվել ձեռնարկատիրությանն ապօրինի մասնակցելու, հակամրցակցային գործունեության և փողերի լվացման հոդվածներով։ Նա կալանավորվել էր օգոստոսի 8-ին՝ երկամսյա ժամկետով, իսկ հոկտեմբերի 7-ին նրա կալանքի ժամկետը մեկ ամսով երկարացվել էր։ Նոյեմբերին նրա խափանման միջոց կալանքը փոխվել է տնային կալանքի։
Պատմություններ
