Civilnet
Արմավիրի մարզի Վաղարշապատ համայնքում 2025 նոյեմբերի 16–ին համամասնական ընտրակարգով ավագանու ընտրություններին ընտրակաշառքի դեպքերով ձերբակալվել է 10 անձ, այդ թվում՝ Արմավիրի մարզպետի նախկին տեղակալը: Այս մասին հայտնել են Հակակոռուպցիոն կոմիտեից։
Քրեական վարույթը նախաձեռնվել է «Հայրենիք» կուսակցության պատասխանատու անձանց կողմից ընտրություններում իրենց օգտին քվեարկելու դիմաց ընտրակաշառք տալու և նույն համայնքի բնակիչների կողմից ընտրակաշառք ստանալու դեպքերով:
«Ձերբակալված անձանցից մեկի նկատմամբ որպես խափանման միջոց է կիրառվել կալանքը, երեքի նկատմամբ՝ տնային կալանքը»,- նշել են կոմիտեից։
Նրանց նկատմամբ կալանքը` որպես խափանման միջոց կիրառելու միջնորդություններ են ներկայացվել դատարան։Այսօր ավելի վաղ փաստաբան Արսեն Բաբայանը հայտնել էր, որ հակակոռուպցիոն կոմիտեն կալանքի նպատակով ձերբակալել է «Հայրենիք» կուսակցության գլխավոր քարտուղար Խաչիկ Գալստյանին:
Պատմություններ
