ԱՄՆ-ն իր քաղաքացիներին զգուշացնում է՝ «հենց հիմա հեռացեք Իրանից»
Civilnet
ԱՄՆ-ն Իրանում գտնվող իր քաղաքացիներին կոչ է արել անհապաղ լքել երկիր, քանի որ անկարգությունները շարունակում են սրվել։
«Հենց հիմա եռացեք Իրանից»,- ասված է Իրանում ԱՄՆ վիրտուալ դեսպանատան էջում։
ԱՄՆ դեսպանատունը կոչ է արել իր քաղաքացիներին պլանավորել Իրանից հեռանալն առանց ԱՄՆ կառավարության օգնության։
«Եթե չեք կարող հեռանալ, գտեք անվտանգ վայր ձեր բնակարանում կամ այլ անվտանգ շենքում», - նշվում է դեսպանատան հաղորդագրության մեջ։
Դեսպանատունն Իրանից հեռանալու տարբերակ է առաջարկում Հայաստանի կամ Թուրքիայի ցամաքային տարածքը։
Հաղորդագրության մեջ նշվում է, որ ԱՄՆ-Իրան երկքաղաքացիություն ունեցող անձինք պետք է լքեն Իրանն իրանական անձնագրերով։ Նշվում է, որ Իրանի կառավարությունը չի ճանաչում երկքաղաքացիությունը և երկքաղաքացիներին կվերաբերվի միայն որպես Իրանի քաղաքացիների։
«ԱՄՆ անձնագիր ցուցադրելը կամ Միացյալ Նահանգների հետ կապերի ցուցադրումը կարող է բավարար պատճառ լինել Իրանի իշխանությունների համար՝ ինչ-որ մեկին կալանավորելու համար», - ասվում է դեսպանատան հաղորդագրության մեջ։
Նախօրեին ԱՄՆ նախագահ Դոնալդ Թրամփը հայտարարեց 25% մաքսատուրքի սահմանման մասին Իրանի հետ գործարք կնքող բոլոր երկրների համար՝ կառավարության կողմից հակակառավարական ցույցերի դեմ պայքարի շրջանակներում։
Բացի տնտեսական ճնշումներից, Վաշինգտոնը դիտարկում է գործողությունների լայն շրջանակ, ներառյալ կիբերհարձակումներ և հոգեբանական արշավներ՝ ուղղված Իրանի հրամանատարական կառուցվածքների և պետական լրատվամիջոցների խաթարմանը: Թրամփը նշել է, որ ուշադիր հետևում է իրավիճակին և պատրաստ է «խիստ քայլերի», եթե Իրանի իշխանությունները շարունակեն ուժ կիրառել ցուցարարների դեմ:
Պատմություններ
