Civilnet
Հայտարարված այլընտրանքային բեռնափոխադրման միջանցքը վտանգ չի ներկայացնի Վրաստանի տարանցիկ հնարավորությունների համար։ Այս մասին հայտարարել է Վրաստանի վարչապետ Իրակլի Կոբախիձեն Իմեդի հեռուստաալիքին տված հարցազրույցում։
Հայաստանի և Ադրբեջանի նախագահներ Վահագն Խաչատուրյանը և Իլհամ Ալիևը Դավոսում հայտարարել են, որ ներկայումս Վրաստանի տարածքով փոխադրվող բեռներն ապագայում կտեղափոխվեն անմիջապես Հայաստանի և Ադրբեջանի սահմանով։
«Պարզ ցուցանիշը հաստատում է, որ այլընտրանքային միջանցքը որևէ սպառնալիք չի ներկայացնում Վրաստանի համար. վերջին հինգ տարիների ընթացքում Միջին միջանցքով բեռնափոխադրումների ծավալը յոթ անգամ աճել է։ Այս պայմաններում մեր հիմնական նպատակն է առավելագույնի հասցնել մեր սեփական ենթակառուցվածքների օգտագործումը և աջակցել աճող բեռնաշրջանառությանը։ Այլընտրանքային երթուղին պարզապես կլրացնի մեր տարանցիկ գործառույթը», - ասել է Կոբախիձեն։
Միևնույն ժամանակ նա ընդգծել է, որ Վրաստանը ողջունում է Հայաստանի և Ադրբեջանի միջև հարաբերությունների վերականգնումը, ներառյալ առևտրատնտեսական կապերի զարգացումը։ Կոբախօձեն նաև նշել է, որ Վրաստանը զգալի միջոցներ է ներդնում միջանցքի զարգացման գործում։
«Ինչ վերաբերում է մեր տարանցիկ գործառույթին, մենք շատ մեծ ներդրումներ ենք կատարում տարանցիկ գործառույթի զարգացման մեջ. դա վերաբերում է ճանապարհային ենթակառուցվածքներին, նավահանգիստներին, օդանավակայաններին, տարբեր տեսակի ենթակառուցվածքային օբյեկտներին։ Սա հիմնված է տարանցման մշտական աճի հետ կապված դրական սպասումների վրա», - հայտարարել է Կոբախիձեն։
Պատմություններ
