Civilnet
Հայաստանի կառավարությունը ևս վեց ամսով կշարունակի արգելել թուրքական ապրանքների ներմուծումը Հայաստան։ Համապատասխան որոշումն ընդունվեց հունիսի 24-ի կառավարության նիստում։
Էկոնոմիկայի նախարար Վահան Քերոբյանի խոսքով՝ սա պետք է դիտարկել ոչ թե պարզապես տնտեսական սանկցիա Թուրքիայի նկատմամբ, այլ Հայաստանի կողմից, այլ հայաստանյան աղբյուրներից Թուրքիայի պետական գանձարանի ֆինանսավորման դադարեցում։
«Մենք ոուսումնասիրություն ենք կատարել, թե ինչ է եղել նախորդ վեց ամիսներին։ Կարող ենք արձանագրել, որ Թուրքիայից ներմուծումները դադարել են մոտ 70 տոկոսով, կտրուկ փոխվել է ներմուծվող ապրանքների կազմը, եթե առաջ ավիավառելիք, ցիտրուսային մրգեր, մաքրող միջոցներ, բանջարեղեն, տրիկոտաժի գործվածք էր ներմուծվում, ապա հիմա՝ շինանյութ, տրիկոտաժե գործվածք ու բնական կաշի է ներմուծվում»,- հայտարարեց նախարարը։
Թուրքական ապրանքների նկատմամբ էմբարգո սահմանվեց 44-օրյա պատերազմից հետո։ Արգելքը ներառում է ոչ թե թուրքական հումքը, այլ վերջնական պատարստի ապրանքը։
Այս տարվա ապրիլի վերջին կառավարությունը որոշել էր թույլատրել թուրքական արգելված ապրանքացանկից մի շարք ապրանքների ներմուծումը։
Թուրքական ապրանքների ներմուծումն արգելելու որոշումը կայացվել էր պատերազմի օրերին՝ 2020-ի հոկտեմբերին։ Որոշումն ուժի մեջ է մտել դեկտեմբերից։
Պատմություններ
