Civilnet
Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը Եվրոպական խորհրդի ղեկավար Շառլ Միշելի հետ հեռախոսազրույցներից հետո համաձայնել են դեկտեմբերի 15-ին հանդիպում անցկացնել Բրյուսելում՝ ԵՄ Արևելյան գործընկերության գագաթնաժողովի շրջանակում: Այս մասին նշվում է Շառլ Միշելի գրասենյակի տարածած հաղորդագրությունում։
«Եվրոպական խորհրդի ղեկավար Շառլ Միշելն առաջարկել է Բրյուսելում անցկացնել Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպումը ԵՄ Արևելյան գործընկերության գագաթնաժողովի շրջանակում։ Առաջնորդները պայմանավորվել են հանդիպել Բրյուսելում, որպեսզի քննարկեն տարածաշրջանային իրավիճակը և լարվածությունը հաղթահարելու ուղիները բարգավաճ և կայուն Հարավային Կովկասի համար, որին աջակցում է ԵՄ-ն»,- նշվում է հաղորդագրությունում:
Հեռախոսազրույցների ընթացքում Հայաստանի և Ադրբեջանի ղեկավարները պայմանավորվել են կապի ուղիղ գիծ հաստատել պաշտպանության նախարարների մակարդակով, որը կծառայի միջադեպերի կանխարգելման մեխանիզմին:
Following my phone calls with @presidentaz and @NikolPashinyan a meeting will take place in December in Brussels in the margins of EAP summit.
— Charles Michel (@eucopresident) November 19, 2021
A direct line has been established between defence ministers of both countries. https://t.co/jvyludBirm
Նիկոլ Փաշինյանի և Իլհամ Ալիևի՝ Բրյուսելում հանդիպելու վերաբերյալ համաձայնությունը կայացվում է այն բանից հետո, երբ պաշտոնական Մոսկվան հայտարարել է՝ եռակողմ հանդիպման շուրջ կոնսենսուս չկա։
https://civilnet.am/news/640310/%d5%a5%d5%bc%d5%a1%d5%af%d5%b8%d5%b2%d5%b4-%d5%b0%d5%a1%d5%b6%d5%a4%d5%ab%d5%ba%d5%b4%d5%a1%d5%b6-%d5%b0%d5%a1%d5%b4%d5%a1%d6%80-%d5%af%d5%b8%d5%b6%d5%bd%d5%a5%d5%b6%d5%bd%d5%b8%d6%82%d5%bd-%d5%a7-%d5%a1%d5%b6%d5%b0%d6%80%d5%a1%d5%aa%d5%a5%d5%b7%d5%bf%e2%80%a4-%d5%ac%d5%a1%d5%be%d6%80%d5%b8%d5%be/***
Ավելի վաղ եռակողմ հանդիպման անցկացման մասին հայտարարել էր Կրեմլի խոսնակ Դմիտրի Պեսկովը։ Նա հայտնել էր, որ նախապատրաստվում է Ադրբեջանի, Հայաստանի և Ռուսաստանի ղեկավարների հանդիպում՝ տեսակոնֆերանսի ձևաչափով: ՀՀ վարչապետ Նիկոլ Փաշինյանն ավելի ուշ, սակայն, հայտարարել էր, որ եռակողմ հանդիպում անցկացնելու վերաբերյալ պայմանավորվածություն չկա։
Փաշինյանի հայտարարությանը հաջորդել է Պեսկովի մեկ այլ հայտարարություն՝ Հայաստանի, Ադրբեջանի և Ռուսաստանի ղեկավարների՝ տեսակոնֆերանսի ձևաչափով հանդիպումը նախապատրաստվում է, սակայն ժամկետների վերաբերյալ հստակ պայմանավորվածություններ չկան:
Պատմություններ
