Հայաստանը նոր օգնություն է ուղարկել Թուրքիա՝ հատելով սահմանը

Հայաստանը երկրորդ մարդասիրական օգնությունն է ուղարկել Թուրքիա՝ կրկին հատելով հայ-թուրքական սահմանը։ Այդ մասին Թվիթերի իր էջում գրել է ՀՀ ԱԳՆ խոսնակ Վահան Հունանյանը։

«Հայաստանը շարունակում է մարդասիրական օգնություն ուղարկել երկրաշարժից տուժած շրջաններ: Երեկ ուշ երեկոյան մարդասիրական օգնության երկրորդ խմբաքանակով բեռնված բեռնատարները հատել են հայ-թուրքական սահմանը՝ Մարգարա կամրջով»,- գրել է Հունանյանը։

Armenia continues sending humanitarian aid to earthquake-affected regions.

Late last night, trucks loaded with the second batch of humanitarian aid crossed the #Armenian-#Turkish border through the Margara bridge.

— Vahan Hunanyan ?? (@v_hunanyan) February 15, 2023

Փետրվարի 11-ին Հայաստանը 100 տոննա մարդասիրական օգնություն էր ուղարկել երկրաշարժից տուժած Թուրքիային։ Բեռնատարներն անցել են Արմավիրի մարզում գտնվող Մարգարայի կամրջով։ Սա 1993-ից ի վեր հայ-թուրքական փակ սահմանը հատելու եզակի դեպքերից է։

Հարավարևելյան Թուրքիայում և հյուսիսային Սիրիայում փետրվարի 6-ի ավերիչ երկրաշարժից հետո Հայաստանը փրկարարական խմբեր էր ուղարկել երկու երկրներ։

Փետրվարի 14-ի դրությամբ՝ Թուրքիայում ավերիչ երկրաշարժի հետևանքով զոհերի թիվը հասել է 35 հազար 418-ի։

https://civilnet.am/news/691938/%d6%83%d5%a5%d5%bf%d6%80%d5%be%d5%a1%d6%80%d5%ab-15-%d5%ab%d5%b6-%d5%a1%d6%80%d5%a1%d6%80%d5%a1%d5%bf-%d5%b4%d5%ab%d6%80%d5%a6%d5%b8%d5%b5%d5%a1%d5%b6%d5%a8-%d5%af%d5%b4%d5%a5%d5%af%d5%b6%d5%ab-%d5%a9%d5%b8%d6%82%d6%80%d6%84%d5%ab%d5%a1/