Կարմիր խաչի միջոցով Արցախից Հայաստան մեկնող քաղաքացի է արգելանքի վերցվել

Կարմիր խաչի միջազգային կողմիտեի միջոցով բուժման նպատակով Արցախից Հայաստանի բուժհաստատություններ տեղափոխվող հիվանդներից մեկն Ադրբեջանի կողմից արգելանքի է վերցվել և տեղափոխվել այլ վայր։ Այս մասին ֆեյսբուքյան գրառմամբ հայտնել է Արցախի պետնախարար Գուրգեն Ներսիսյանը։

Ավելի ուշ պարզ դարձավ, որ 68-ամյա Վագիֆ Խաչատրյանին մեղադրանք է առաջարդվել, թե իբր 1991-ի դեկտեմբերին Խոջալուի Մեշալի գյուղում նա «սպանել է ազգությամբ ադրբեջանցիների, բռնի տեղահանել նրանց ու ոչնչացրել պետությանը պատկանող գույքը»։ Արցախի քաղաքացին ձերբակալվել է։

Դեպի առթիվ Արցախի Ազգային անվտանգության ծառայությունում հարուցվել է քրեական գործ։

Ըստ Արցախի դատախազության՝ Ադրբեջանը քաղաքացուն ձերբակալել է Հակարիի կամրջի մոտ տեղադրված հսկիչ-անձնագրային կետում։ Ձերբակալվածը Ասկերանի շրջանի Պատարա գյուղի բնակիչ Վագիֆ Չերքեզի Խաչատրյանն է։

https://prosecutornk.am/%d5%a1%d6%80%d6%81%d5%a1%d5%ad%d5%ab-%d5%b0%d5%a1%d5%b6%d6%80%d5%a1%d5%ba%d5%a5%d5%bf%d5%b8%d6%82%d5%a9%d5%b5%d5%a1%d5%b6-%d6%84%d5%a1%d5%b2%d5%a1%d6%84%d5%a1%d6%81%d5%b8%d6%82%d5%b6-%d5%a1%d5%bc/

Կարմիր խաչի միջազգային կոմիտեի Ստեփանակերտի գրասենյակի մոտ հավաքվել են քաղաքացու հարազատները, պաշտոնյաներ ու հարյուրավոր քաղաքացիներ, որոնք Կարմիր խաչից պահանջում են քայլեր ձեռնարկել` նրան վերադարձնելու համար: Պետնախարար Գուրգեն Ներսիսյանը գրասենյակի տնօրենին հորդորեց հայտարարել, որ «Արցախի ժողովրդի անվտանգությունը որևէ մեկը, այդ թվում՝ Կարմիր խաչը, ի վիճակի չէ երաշխավորել»:

Կարմիր խաչի միջոցով Արցախից Հայաստան մեկնող քաղաքացի է արգելանքի վերցվել

Պատմություններ