Աղդամի ճանապարհի բացումից հետո 24 ժամվա ընթացքում Լաչինի ճանապարհն էլ կբացվի․ Հաջիև

Աղդամով ճանապարհի բացումից հետո 24 ժամվա ընթացքում Լաչինի ճանապարհն էլ կբացվի․ BBC-ի հետ զրույցում նման հայտարարություն է արել Ադրբեջանի նախագահի օգնական Հիքմեթ Հաջիևը։

«Որքան շատ ճանապարհներ՝ այնքան լավ բոլորի համար»,- ասել է Հաջիևը։

Նա հավելել է, որ «Ղարաբաղի հայերին առաջարկվել են նույն լեզվական, մշակութային, կրոնական և ինքնակառավարման իրավունքները, ինչ Ադրբեջանի քաղաքացիներին»։

***

Օգոստոսի 29-ին Ադրբեջանը հայտարարեց, որ Աղդամ-Ստեփանակերտ ճանապարհով երկու բեռնատարով 40 տոննա ալյուր է ուղարկում Լեռնային Ղարաբաղ։ Արցախի նախագահի խոսնակ Լուսինե Ավանեսյանը ՍիվիլՆեթի հետ զրույցում ասաց, որ այդ հարցով արցախյան կողմի հետ որևէ պայմանավորվածություն չի եղել: Նույն օրը երեկոյան հազարից ավելի արցախցիներ փակեցին Աղդամից Ասկերան մտնող ճանապարհը՝ թույլ չտալու համար ադրբեջանական հումանիտար բեռի մուտքը։

«Հաց են տալիս, հետո սպանե՞ն»․ արցախցիները փակել են Աղդամ-Ստեփանակերտ ճանապարհը

Օգոստոսի 30-ին Աղդամով ճանապարհի հնարավոր բացման մասին խոսել է Արցախի Ազգային ժողովի նախագահ Դավիթ Իշխանյանը՝ ասելով․ «Աղդամ-Ստեփանակերտ ճանապարհը փակ պահելու, այդ ճանապարհը չօգտագործելու հստակ որոշում կա»։

https://civilnet.am/news/748477/%d5%a1%d5%b2%d5%a4%d5%a1%d5%b4-%d5%bd%d5%bf%d5%a5%d6%83%d5%a1%d5%b6%d5%a1%d5%af%d5%a5%d6%80%d5%bf-%d5%b3%d5%a1%d5%b6%d5%a1%d5%ba%d5%a1%d6%80%d5%b0%d5%a8-%d6%83%d5%a1%d5%af-%d5%ba%d5%a1%d5%b0%d5%a5%d5%ac%d5%b8%d6%82-%d5%b0%d5%bd%d5%bf%d5%a1%d5%af-%d5%b8%d6%80%d5%b8%d5%b7%d5%b8%d6%82%d5%b4-%d5%af%d5%a1%e2%80%a4-%d5%a1%d6%80%d6%81%d5%a1%d5%ad%d5%ab-%d5%a1%d5%aa-%d5%b6%d5%a1%d5%ad%d5%a1%d5%a3%d5%a1%d5%b0/