Հաջիևի կարծիքով՝ հայ-ֆրանսիական համագործակցությունը «վտանգում է խաղաղության գործընթացը»

Ադրբեջանի նախագահի օգնական Հիքմեթ Հաջիևը կարծում է, թե հայ-ֆրանսիական ռազմատեխնիկական համագործակցությունը վտանգ է ներկայացնում հայ-ադրբեջանական բանակցային գործընթացի և Կովկասում խաղաղության հաստատման համար։ 

«[Ֆրանսիայի] այդ քայլը որևէ կերպ չի նպաստի Հարավային Կովկասում խաղաղության հաստատմանը։ Տարածաշրջանում Ֆրանսիայի ռազմականացման քաղաքականությունը լուրջ վտանգ է և հարվածում է խաղաղության գործընթացին՝ հաշվի առնելով այն հանգամանքը, որ ապրիլի 19-ին արդյունքներ են գրանցվել սահմանազատման հարցում, դրանից առաջ՝ դեկտեմբերի 7-ին, երկու երկրների բարձրագույն մարմինների մակարդակում համատեղ հայտարարություն է ընդունվել, ինչպես նաև Հարավային Կովկասում լուրջ քայլեր են արվել խաղաղության փոխակերպման համար»,- հունիսի 19-ին ասել է Հաջիևը։

Նա մտահոգություն է հայտնել Հայաստանին փոխանցվող ֆրանսիական սպառազինության առնչությամբ՝ նշելով, թե դա խթանելու է «Հայաստանի ռևանշիստական ուժերի» գործողությունները։ Հաջիևը ֆրանսիական քաղաքականությունն անպաստախանատու է համարել՝ նկատելով, որ Ֆրանսիան նաև ՄԱԿ-ի անվտանգության խորհրդի մշտական անդամ է։

Պաշտպանության նախարար Սուրեն Պապիկյանի՝ Փարիզ կատարած պաշտոնական այցի ընթացքում՝ հունիսի 17-ին, Հայաստանը և Ֆրանսիան ստորագրել են CAESAR հրետանային համակարգի ձեռքբերման պայմանագիր։

https://civilnet.am/news/782436/%d5%a2%d5%a1%d6%84%d5%be%d5%ab-%d5%a3%d5%b8%d6%80%d5%ae%d5%a5%d5%ac%d5%a1%d5%af%d5%a5%d6%80%d5%ba%d5%a8-%d5%b0%d5%ab%d5%b4%d5%b6%d5%a1%d5%be%d5%b8%d6%80%d5%b8%d6%82%d5%b4-%d5%a7-cop29-%d5%ab%d6%81-%d5%b0%d5%a5%d5%bf%d5%b8-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%a4%d5%a5%d5%b4-%d5%b6%d5%b8%d6%80-%d5%a1%d5%a3%d6%80%d5%a5%d5%bd%d5%ab%d5%a1-%d5%b1%d5%a5%d5%bc%d5%b6%d5%a1%d6%80%d5%af%d5%a5%d5%ac%d5%b8%d6%82-%d5%be%d5%a5%d6%80%d5%ac%d5%b8%d6%82%d5%ae%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d5%a8%e2%80%a4-%d5%a1%d5%a3%d5%b6/