Միրզոյանը և ԱՄԷ ԱԳ նախարարն անդրադարձել են խաղաղությանն ու տնտեսական համագործակցությանը

Հայաստանի արտգործնախարար Արարատ Միրզոյանը և Արաբական Միացյալ Էմիրությունների փոխվարչապետ, ԱԳ նախարար շեյխ Աբդալլահ բին Զայեդ Ալ Նահյանը քննարկել են համագործակցության զարգացման և տարածաշրջանային հարցեր։ Այս մասին հայտոնւմ են ՀՀ արտաքին գործերի նախարարությունից՝

Միրզոյանն ընդգծել է Հայաստանի և Ադրբեջանի միջև հաստատված խաղաղության, ինչպես նաև դրա շարունակական ամրապնդմանն ուղղված նախաձեռնությունների կարևորությունը:

Նրանք քննարկել են նաև տարածաշրջանային փոխկապակցվածության, ենթակառուցվածքների ցանցի ընդլայնման հնարավորությունները: Անդրադարձ է կատարվել հումանիտար հարցերի:

Միրզոյանն ու Աբդալլահ բին Զայեդ Ալ Նահյանն անդրադարձել են ՀՀ և ԱՄԷ միջև համագործակցության զարգացման հարցերի՝ քննարկելով առևտրատնտեսական ու գործարար կապերի, ներդրումային ծրագրերի խթանման տարբերակներ, որոնց արդյունավետ իրացմանը կարող են նաև նպաստել վերջին տարիներին ուղիղ չվերթների աճող քանակն ու զբոսաշրջության ծավալները։