«Ուժեղ Հայաստան» կուսակցության անդամների և նրանց հետ համագործակցող հասարակական կազմակերպությունում որպես աշխատակից գրանցված մի խումբ անձանց կողմից Արարատի մարզի Արտաշատ համայնքի մի շարք ընտրողների ընտրակաշառք է բաժանվել: Այս մասին հայտնում են Հակակոռուպցիոն կոմիտեից։
«Հանցավոր գործունեությունը քողարկելու և չբացահայտվելու նպատակով հանցավոր խմբի անդամները միմյանց հետ կապ են հաստատել ինտերնետ-հավելվածների միջոցով»,- հայտնում են կոմիտեից:
Դեպքի առթիվ ՀՀ քրեական օրենսգրքի համապատասխան հոդվածներով նախաձեռնվել է քրեական վարույթ, կատարվել են բազմաթիվ խուզարկություններ, ձերբակալվել են մեկ տասնյակից ավել անձինք։
Հակակոռուպցիոն կոմիտեն ձայնագրություն է հրապարակել՝
Փաստաբան Վահան Հովհաննիսյանը լրագրողներին հայտնել է, որ «Ուժեղ Հայաստան» կուսակցության 14 անդամ ձերբակալվել է։
«Երբ որ, մեր ձևով, դեռևս հասարակական կազմակերպություն է եղել, բարեգործական նպատակներով հիմնված ծրագրեր են իրականացրել՝ զարգացման ծրագրեր. ներգրավված են եղել որոշակի անձինք, որոնք ստացել են աշխատավարձներ: Հիմա, ըստ վարույթն իրականացնող մարմնի, որքան ես հասկացա, այդ աշխատավարձները դիտարկվել են որպես ընտրակաշառքներ»,- նշել է փաստաբանը։
Պատմություններ
