Մայիսի 12-ին Քաղաքացիական պայմանագիր կուսակցության քարոզարշավի ընթացքում համացանցում տարածվեց մի տեսանյութ, որտեղ Արտաքին գործերի նախարար Արարատ Միրզոյանը Նիկոլ Փաշինյանի ականջին ասում էր՝ «Թուրքերն այսօր բացում են, մի հատ Welcome-ի տեքստ անենք․․․»։
Միրզոյանը լրագրողներին չբացահայտեց, թե ինչի մասին էր խոսքը։ Ավելի ուշ Փաշինյանը պարզաբանեց, որ խոսքը վերաբերում էր Թուրքիայի օրենսդրական փոփոխությանը։ Նրա խոսքով՝ նախկինում Թուրքիայի օրենսդրությունը թույլ չէր տալիս Հայաստանը նշել որպես առաքման երկիր, ինչի պատճառով Թուրքիայից Հայաստան արտահանվող ապրանքները նախ ձևակերպվում էին երրորդ երկրում, ապա միայն տեղափոխվում Հայաստան։ Փաշինյանի խոսքով՝ այժմ Թուրքիայի օրենսդրության մեջ կատարվում է համապատասխան փոփոխություն։
«Գիտեք, որ Հայաստանում բազմաթիվ թուրքական արտադրության ապրանքներ կան, և դա լրացուցիչ, այսինքն՝ տանում են ուրիշ երկիր, ձևակերպում են, նոր են բերում, հիմա իրենք ձևակերպում են, որ էդ ցանկում ուղիղ կարողանան, ոչ թե ուղիղ ֆիզիկապես, այլ որպես առաքման երկիր Հայաստանը նշվի»,- ասաց Փաշինյանը:
Պատմություններ
