Հայաստանի վարչական դատարանը բավարարել է Գլխավոր դատախազության հայցը և անվավեր է ճանաչել Արցախի ներկայացուցչության շենքի նկատմամբ «Արցախի Հանրապետության» սեփականության իրավունքի պետական գրանցումը։
Այս որոշմամբ «Արցախի Հանրապետությունը» փաստացի սեփականազրկվել է Երևանում գտնվող իր շենքից, ինչը փաստաբան Ռոման Երիցյանը որակել է որպես «պատմական խայտառակություն»։
Այս գործը ուշագրավ էր նաև այն հանգամանքով, որ Հայաստանի վարչական ու վերադաս դատարանը չեն նույնականացրել «ԼՂՀ կառավարությանը»:
Երիցյանը հայտարարել է, որ սա իր պրակտիկայում հանդիպած ամենաանհիմն ու «աբսուրդային» դատական ակտն է։ Նա որոշումը կբողոքարկի վարչական դատարանում։
2025-ի հունիսին Ազգային անվտանգության նախկին տնօրենի գրության հիման վրա դատախազությունը սկսեց ուսումնասիրություն ու դատական հայց ներկայացրեց՝ ընդդեմ Կադաստրի կոմիտեի, որպեսզի վերացնեն Արցախի ներկայացուցչության սեփականության իրավունքը։ 1222 քմ մակերեսով հողամասն ու դրա վրայի շինությունները գրանցված են Լեռնային Ղարաբաղի հանրապետության կառավարության անվամբ։
Այս գործի մասին ավելի մանրամասն Սիվիլնեթի հոդվածում`
Պատմություններ
