Ռուսաստանում գործող «ՌԴ հայկական գործարար խորհուրդ» կազմակերպության փոխնախագահը, որը հրապարակային եղանակով խոսատցել է ընտրություններին մասնակցելու նպատակով ՌԴ-ից Հայաստան անվճար տեղեփոխվելՀՀ քաղաքացիներին, ձերբակալվել է:
Քննչական կոմիտեից հայտնում են, որ 2026-ի մայիսի 31-ին ՌԴ-ից ՀՀ ժամանած «ՌԴ հայկական գործարար խորհրդի» կազմակերպության փոխնախագահ Ա.Գ.-ն տելեգրամյան ալիքով հրապարակային եղանակով՝ ՌԴ-ում ապրող ՀՀ քաղաքացիներին խոստացել է անվճար տեղափոխել ՀՀ և հոգալ տեղափոխման հետ կապված բոլոր կազմակերպչական հարցերը՝ հունիսի 7-ին ՀՀ-ում կայանալիք ԱԺ հերթական ընտրություններում նրանց մասնակցությունն ապահովելու նպատակով:
«Նշված փաստական հանգամանքների հիման վրա Ա.Գ.-ն քննիչի որոշմամբ՝ ՆԳՆ ոստիկանության աշխատակիցների կողմից ձերբակալվել է և ներկայացվել նախաքննական մարմին»,- ասված է ՔԿ հաղորդագրության մեջ:
Քրեական վարույթի նախաքննության շրջանակում, ինչպես հայտնում են ՔԿ-ից, իրականացվում են մի շարք վարութային և ապացուցողական այլ գործողություններ՝ հանցավոր սխեմայում ընդգրկված բոլոր անձանց հայտնաբերելու և նրանց պատասխանատվության ենթարկելու համար։
Ավելի վաղ Reuters գործակալությունը, հղում անելով արևմտյան հետախուզական և կառավարական աղբյուրներին, հայտնել էր, որ Ռուսաստանը ծրագրեր է մշակել ՌԴ-ում բնակվող շուրջ 100 հազար Հայաստանին քաղաքացիություն ունեցող անձանց տեղափոխել ՀՀ՝ գործող իշխանության վերընտրությունը կանխելու նպատակով։
Ընդդիմադիրներն այս հրապարակումները որակում են որպես քաղաքականապես մոտիվացված գործողություններ` մատնացույց անելով, իրենց կարծիքով, ընտրություններին վարչական ռեսուրսի կիրառման վրա:
2026-ի Ազգային ժողովի ընտրություններին մասնակցում է 16 քաղաքական կուսակցություն և կուսակցությունների երկու դաշինք։ Տարբեր հարցումների համաձայն՝ առաջատարը վարչապետ Նիկոլ Փաշինյանի «Քաղաքացիական պայմանագիր» կուսակցությունն է, որին հաջորդում են միլիարդատեր Սամվել Կարապետյանի «Ուժեղ Հայաստան» դաշինքը և Հայաստանի նախկին նախագահ Ռոբերտ Քոչարյանի «Հայաստան» դաշինքը։
Խորհրդարան անցնելու համար կուսակցություններից պահանջվում է հավաքել ընտրողների ձայների 4 տոկոսը, իսկ վերոնշյալ դաշինքներից՝ 8 տոկոսը։
Պատմություններ
