«Ընդդիմության քվեաթերթիկները կտրելու» տեսանյութը կեղծ է
Անի Գրիգորյան
CivilNetCheck
Անի Գրիգորյան, #CivilNetCheck
Սոցցանցերում ակտիվորեն տարածվում է տեսանյութ, որում երևում է, թե ինչպես է քվեախցիկում գտնվող անձը ծրարից հանում իբրև քվեարկված քվեաթերթիկները և մկրատով կտրում դրանց մի մասը։
Տեսանյութում նա հատկապես կտրում է 3 և 17 համարի քվեաթերթիկները, որոնք համապատասխանում են «Ուժեղ Հայաստան» կուսակցությանը և «Հայաստան» դաշինքին, իսկ պահում է 16 համարը՝ «Քաղաքացիական պայմանագիր» կուսակցության քվեաթերթիկը։
Տեսանյութում խոսող անձը հայերեն է խոսում, սակայն ոչ վարժ։
Մինչդեռ տեսանյութում երևացող ծրարը և քվեաթերթիկի վրա դրված դրոշմանիշը չեն համապատասխանում այս ընտրություններում կիրառվող նմուշներին։
Մասնավորապես, տեսանյութում երևացող ծրարը սպիտակ է, մինչդեռ 2026-ի հունիսի 7-ի ընտրություններում կիրառվում են ծիրանագույն ծրարներ։
Բացի այդ, քվեաթերթիկի վրա դրված դրոշմանիշը ևս չի համապատասխանում կիրառվող նմուշին․ տեսանյութում այն սև է, մինչդեռ այս ընտրություններում կիրառվող դրոշմանիշը մանուշակագույն է՝ սև գրությամբ։
#CivilNetCheck-ը կապ հաստատեց նաև Կենտրոնական ընտրական հանձնաժողովի մամուլի խոսնակ Սեդա Ղուկասյանի հետ։ Նա նշեց, որ տարածվող տեսանյութը կեղծ է, իսկ որևէ ընտրատեղամասից նման դեպքի վերաբերյալ ահազանգ չի ստացվել։
Ղուկասյանը նաև հաստատեց, որ տեսանյութում երևացող ընտրական ատրիբուտները չեն համապատասխանում այս ընտրություններում կիրառվող նմուշներին։
Ինչպե՞ս է տարածվել տեսանյութը
Հատկանշական է, որ տեսանյութը նախ տարածվել է X-ում՝ նախկին Twitter-ում, հիմնականում անգլալեզու բոտային օգտահաշիվների կողմից, որոնց հրապարակումները, ընդհանուր առմամբ, Հայաստանի թեմատիկայի հետ առնչություն չունեն։
Election day in Armenia is underway, and a video from the capital shows an official damaging ballots that went against the party currently in power. pic.twitter.com/H0lIc5MAHt
— S p r i n t e r (@SprinterPress) June 7, 2026
Այնուհետև տեսանյութը տարածվել է նաև ֆեյսբուքյի հայկական տիրույթում՝ արդեն կեղծ օգտահաշիվների միջոցով։
Նմանատիպ տեսանյութեր՝ քվեաթերթիկների իբրև դիտավորյալ ոչնչացման մասին, նախկինում տարածվել էին նաև Մոլդովայի ընտրությունների ժամանակ։ Այդ դեպքում էլ իշխանություններին մեղադրում էին ընդդիմության քվեաթերթիկները ոչնչացնելու մեջ։
ICYMI
— SGAnon (@TheQNewsPatriot) September 28, 2025
The Central Electoral Commission of Moldova has been caught destroying ballots for the opposition parties, Patriotic Bloc and Alternativa, and calling people who voted for them, “idiots” pic.twitter.com/yJ1tLBQGxM
Նմանատիպ տեսանյութեր նույն պնդումներով տարածվել էին նաև Գերմանիայի 2025 թվականի ընտրությունների ժամանակ։
Another DM that was shared with me.
— Michelle Maxwell ™ (@MichelleMaxwell) March 2, 2025
It looks like German authorities want to make sure AfD loses the election after the party was endorsed by @elonmusk. A video surfaces of a woman unsealing the envelopes and destroying AfD mail-in ballots in Hamburg, Germany just days before… pic.twitter.com/0ZNfT8kqXH
Փաստերի ստուգում
Պատմություններ
