Ձերբակալվել է «Մայր Հայաստան» հուշահամալիրը վնասած անձը

Գյումրու «Մայր Հայաստան» հուշահամալիրի հուշարձաններից ոսկեգույն տառերը պոկելու գործով ձերբակալվել է 41-ամյա տղամարդ։

Հունիսի 11-ին Գյումրի քաղաքի Ղարսի խճուղիում «Մայր Հայաստան» հուշահամալիրի «Հերոս քաղաքների» հուշարձանների ոսկեգույն տառերը պոկելով վնասելու դեպքի առթիվ նախաձեռնվել էր քրեական վարույթ։

Հետախուզական միջոցառումների արդյունքում հունիսի 14-ին ստացվել են հավաստի տեղեկություններ, որ հունիսի 9-ին, ժամը 15։00-ի սահմաններում, հուշարձանների տառերը պոկել է Գյումրի քաղաքի Մուշ 2 թաղամասի բնակիչ 41-ամյա տղամարդը։

Նա ձերբակալվել, ապա խոստովանել է կատարածը։

Նախաքննությունը շարունակվում է։

Ավելի վաղ Գյումրու համայնքապետարանը հայտնել էր, որ քաղաքի կոմունալ ծառայությունների աշխատակիցները գտել էին տառերը հուշարձանի տարածքում գտնվող աղբամաններում։ Հայաստանում Ռուսաստանի դեսպանատունը վրդովմունք էր հայտնե հուշարձանի պղծման կապակցությամբ: