Իրանի փոխարտգործնախարար Քազեմ Ղարիբաբադին հայտարարել է, որ Թեհրանը կասեցրել է փոխըմբռնման հուշագրով ստանձնած իր պարտավորությունների իրականացումը՝ պատճառաբանելով, որ Միացյալ Նահանգները խախտել և դադարեցրել է համաձայնագրի շրջանակում իր բոլոր պարտավորությունները։
Պաշտոնապես սա առաջին անգամն է, երբ իրանցիները հայտարարում են, որ փոխըմբռնման հուշագիրն ավարտվել է, և իրենք չեն պատրաստվում իրականացնել որևէ կետ։
Իրանական Fars գործակալության փոխանցմամբ՝ Ղարիբաբադին ասել է, որ «ԱՄՆ-ն խախտել և կասեցրել է Իսլամաբադի փոխըմբռնման հուշագրի շրջանակում ստանձնած բոլոր պարտավորությունները»։
Նրա խոսքով՝ ի պատասխան՝ Իրանը նույնպես կասեցրել է հուշագրի շրջանակում իր պարտավորությունների կատարումը և ներկայում կենտրոնացած է «երկրի պաշտպանության» վրա՝ ԱՄՆ-ի շարունակվող հարձակումների պայմաններում։
...
Փետրվարի 28-ին Իսրայելն ու ԱՄՆ-ն լայնածավալ ռազմական հարձակում էին սկսել Իրանի դեմ։ Դրան ի պատասխան Իրանը ևս հարվածներ էր հասցնում Իսրայելին ու տարածաշրջանում գտնվող ամերիկյան ռազմաբազաներին։ Ապրիլի 8-ին Իրանը հրադադարի համաձայնության էր հասել Միացյալ Նահանգների հետ: Սկսվել էին ակտիվ բանակցություններ։
Հուլիսի լույս 8-ի գիշերը ամերիկյան կողմը մի շարք հարվածներ հասցրեց Իրանին՝ պնդելով, թե դա արվել է ի պատասխան առևտրային նավերի դեմ, որոնք հատում էին Հորմուզի նեղուցը: Դրանից հետո սկսվեցին փոխադարձ հարվածներ։ ԱՄՆ-ն հարվածում է Իրանին, Իրանը տարածաշրջանում ԱՄՆ-ի ռազմական օբյեկտներին։ Իրանի իշխանությունները Վաշինգտոնին մեղադրում են ռազմական գործողությունների դադարեցման մասին հուշագիրը խախտելու մեջ:
Պատմություններ
