«Պայմանավորվածություն չկա, որ ես պետք է Բաքու այցելեմ», - լրագրողների հետ զրույցում սեպտեմբերի 11-ին ասել է Անվտանգության խորհրդի քարտուղար Ալեն Սիմոնյանը:
Սիմոնյանի՝ Բաքու հնարավոր այցի մասին օրեր առաջ հայտարարել էր Բաքվում պահվող Ռուբեն Վարդանյանի կինը՝ Վերոնիկա Զոնաբենդը, նշելով, որ ինքն էլ լրատվամիջոցներից է իմացել այդ մասին: Զոնաբենդը պատրաստակամություն էր հայտնել Սիմոնյանի հետ Բաքու մեկնել:
Սիմոնյանն այսօր հերքել է, նշելով, որ այց մասին անգամ խոսակցություն չկա:
«Նախատեսվում է, որ փոխադարձ այցեր տեղի կունենան, բայց ով ասաց, որ Բաքվի մասին է խոսքը: Ժամկետների հետ կապված ևս որևէ բան ես չեմ կարող ասել: Դրանք օդում խոսակցություններ են: Բաքու այցելելու մասին երբևէ խոսակցություն չի եղել, չկա և այս պահին չի նախատեսվում»,- նշել է Սիմոնյանը:
Հունիսին Ադրբեջանի նախագահի արտաքին հարաբերությունների գծով խորհրդական Հիքմեթ Հաջիևն այցելել էր Դիլիջան, որտեղ հանդիպել էր Հայաստանի այդժամանակվա Անվտանգության խորհրդի քարտուղար Արմեն Գրիգորյանի հետ:
Սիմոնյանը հայտնել է, որ այդ այցով պայմանավորված փոխադարձ այցելություն է նախատեսվում Ադրբեջան, բայց՝ ոչ Բաքու:
Պատմություններ
