Մրգերի վրա «Դիխլոֆոս» փչելու տեսանյութից հետո ՍԱՏՄ-ն լաբորատոր փորձաքննություն է սկսել

ՍԱՏՄ-ն վերահսկողություն է իրականացրել սննդամթերքի վրա միջատասպան միջոց կիրառելու վերաբերյալ տարածված տեսանյութի հիման վրա, հայտնում են Սննդի անվտանգության տեսչական մարմնից։

Սոցիալական ցանցերում տարածված և հանրային հնչեղություն ստացած տեսանյութի հիման վրա, որտեղ քաղաքացին պնդում է, թե տեսել է ինչպես է պտուղ-բանջարեղենի խանութի (Երևան, Սարյան 33/4) աշխատակիցը միջատասպան «Դիխլոֆոս» տեսակի նյութը փչում վաճառվող մրգերի վրա, Սննդամթերքի անվտանգության տեսչական մարմնի Արագ արձագանքման բաժինը ձեռնարկել է ԱՆՀԱՊԱՂ վերահսկողական միջոցառումներ, տեղում վերցվել են նմուշներ և տրվել լաբորատոր փորձաքննության:

Տեսչական մարմնից հայտնում են, որ հանրությանը լրացուցիչ կտեղեկացնեն իրականացված վերահսկողության և լաբորատոր հետազոտության արդյունքների մասին։