Ադրբեջանցի զինծառայողի կրակոցից տուժած Հայաստանքի քաղաքացի կնոջ առողջական վիճակը կայուն է, կյանքին վտանգ չի սպառնում։ Այս մասին ֆեյսբուքյան իր էջում հայտնել է Առողջապահության նախարար Անահիտ Ավանեսյանը։
«Տուժած կնոջ առողջական վիճակը կայուն է, ստանում է անհրաժեշտ և վիճակին համարժեք բուժօգնություն. կյանքին սպառնացող վտանգ չունենք»,- գրել է նախարարը:
Նախարարը նաև հայտնել է, որ երեխաների առողջական վիճակը գնահատվում է բավարար: Ստացել են անհրաժեշտ հոգեբանական և բժշկական օգնություն:
Գլխավոր դատախազությունից հայտնել են, որ հոկտեմբերի 1-ին մարմնական վնասվածքներով բուժօգնության են դիմել նաև վիրավորում ստացած ՀՀ քաղաքացու՝ 2011 և 2014-ին ծնված երեխաները:
Հոկտեմբերի 1-ին Ազգային անվտանգության ծառայությունից հայտնել են, որ սեպտեմբերի 29-ին Ադրբեջանի զորամասերից մեկի զինծառայողն անհայտ հանգամանքներում լքել է ծառայության վայրն ու հայտնվել Հայաստանի տարածքում։ Դրանից հետո Հայաստանի և Ադրբեջանի իրավասու մարմինները որոնողական աշխատանքներ են իրականացրել։
Պատմություններ
