Հռոմի պապը դուրս է գրվել հիվանդանոցից

Հռոմի պապ Լևոն 14-րդը դուրս է գրվել Հռոմի «Ջեմելլի» հիվանդանոցից, որտեղ չորս օր առաջ նրա թոքից ուռուցք էին հեռացրել։ Բժիշկների գնահատմամբ՝ վիրահատությունն անցել է հաջող։

Վատիկանը հայտնել է, որ 71-ամյա քահանայապետի մոտ ախտորոշվել է ադենոկարցինոմա՝ թոքի քաղցկեղի ամենատարածված տեսակը։

Պապը հիվանդանոցից դուրս է եկել ինքնուրույն՝ ոտքով, ողջունել շենքի մոտ հավաքված հավատացյալներին, ապա հեռացել ավտոմեքենայով։ Սպասվում է, որ կիրակի նա կմասնակցի Սուրբ Պետրոսի հրապարակում նախատեսված պատարագին։

Ըստ բժիշկների՝ նրա վիճակն արդեն թույլ է տալիս վերադառնալ աշխատանքի, սակայն դեռ հայտնի չէ հեռացված ուռուցքի չափը և այն, թե կան արդյոք մետաստազներ։ Ավելի վաղ հաղորդվել էր, որ պապը հիվանդության ախտանիշներ չի ունեցել, իսկ գոյացությունը հայտնաբերվել է սովորական բուժզննման ժամանակ։