Կենտրոնական բանկի խորհուրդը նոյեմբերի 3-ին կայացած նիստում որոշել է բարձրացնել վերաֆինանսավորման տոկոսադրույքը 0.25 տոկոսային կետով՝ սահմանելով այն 7.00%:
Որոշման համաձայն՝ Կենտրոնական բանկի կողմից տրամադրվող լոմբարդային ռեպոյի տոկոսադրույքը սահմանվել է 8.50%, իսկ ԿԲ կողմից բանկերից ներգրավվող միջոցների տոկոսադրույքը՝ 5.50%:
Սա տարվա ընթացքում վերաֆինանսավորման տոկոսադրույքի երկրորդ փոփոխությունն է: Այն 2025-ի դեկտեմբերից մինչև 2026-ի սեպտեմբերը կազմել է 6.5%, իսկ սեպտեմբերի 15-ին դարձել էր 6.8%:
Կենտրոնական բանկի փոխանցմամբ՝ տոկոսադրույքի խստացումը նպատակաուղղված է գնաճային ռիսկերի զսպմանը, որոնք պայմանավորված են շինարարության ու ծառայությունների ճյուղերում պահպանվող բարձր ներքին պահանջարկով, բնակարանների վարձավճարների աճով, ինչպես նաև Մերձավոր Արևելքում լարվածության ֆոնին համաշխարհային էներգակիրների և պարենի գների բարձր տատանողականությամբ:
Պատմություններ
