Civilnet
Ապրիլի 9-ին այս երկարատև երկունքից հետո ծնվելու է նոր Հայաստանը: Ազատության հրապարակում լրագրողների հետ հանդիպմանն այսպիսի տեսակետ հայտնեց «Ժառանգության» առաջնորդ Րաֆֆի Հովհաննիսյանը, որը երեկվանից` մարտի 10-ից, հացադուլ է հայտարարել:
«Այսօր նախագահական նստավայրից արձակվեց հերթական սուտ, իբր թե մերժել եմ նախագահի հետ հանդիումը, դուք ինձ գիտեք, եթե երկխոսությունը կարող է հարց լուծել, ես կողմակից եմ և դա փաստել եմ անձամբ Բաղրամյան 26 գնալով»,- ասաց Հովհաննիսյանը` հավելելով, որ ով ուզում է խոսել իր հետ, կարող է գալ Ազատության հրապարակ:
«Ժառանգության» ղեկավարը կարևորեց հանրային բաց քննարկումը: «Պարոն Սարգսյան, Ձեր գրասենյակը ստում է: Ես ձեզ հիմա ասում եմ, որ Ձեզ ցանկացած ժամանակ հրավիրում եմ այստեղ` Ազատության հրապարակ, բաց կամ փակ քննարկման: Ես կողմնակից եմ բաց քննարկման, որովհետև անցած անգամ դուք մոնտաժեցիք հանդիպումը»,- հավելեց նա:
Հովհաննիսյանը տեղեկացրեց նաև, որ վաղը` մարտի 12-ին` ժամը 12:00-ին, ԱԺ «Ժառանգություն» խմբակցության ղեկավար Ռուբեն Հակոբյանը կտա մամուլի ասուլիս, իսկ ժամը 17:00-ին ինքը հանդես կգա կարճ հայտարարությամբ և մամուլի ասուլիսով: Նույն գրաֆիկը կլինի չորեքշաբթի և հինգշաբթի օրերին, իսկ ուրբաթ Ազատության հրապարակում տեղի կունենա հաղթահավաք, որի ընթացքում ելույթ կունենա նաև «Ոստան հայոց» ռոք խումբը:
Պատմություններ
