Civilnet
«Ժառանգության» առաջնորդ Րաֆֆի Հովհաննիսյանը դեմ է Մաքսային միությանը և Եվրասիական միությանը Հայաստանի անդամակցությանը, բայց դեմ չէ վերջինիս` որպես դիտորդ մասնակցությանը այս միություններին: Այսօր Ազատության հրապարակում լրագրողների հետ հանդիպմանն այս մասին հայտարարեց Հովհաննիսյանը, որը մարտի 10-ից հացադուլ է հայտարարել Ազատության հրապարակում: Միաժամանակ` նա հիշեցրեց, որ ինքը կողմ է, որ Հայաստանը բազմաբովանդակ հարաբերություններ ունենա ասիական պետությունների, ինչպես նաև Ռուսաստանի հետ:
Հովհաննիսյանը շատ ավելի կարևորեց Հայաստանի մասնակցությունը ՀԱՊԿ-ին և ՆԱՏՕ-ին:
Անդրադառնալով հարցին, թե ինչ ուղերձ ունի գործող նախագահ Սերժ Սարգսյանին, որը պաշտոնական այցով Ռուսաստանում է, Հովհաննիսյանն ասաց, որ ուղերձ չունի: «Միայն կրկնեմ, որ ես պատրաստ եմ իրեն հանդիպել Ազատության հրապարակում, հետաքրքիր է, թե ինքը ինչ ասելիք ունի ժողովրդին: Հիմա ես հրապարակում եմ և ակնկալում եմ, որ կմնամ հրապարակում և կողջունեմ, որ ինքը գտնի քաջություն և գա հրապարակ` հրապարակային կամ մասնավոր քննության առնելու այն խնդիրները, որոնք առկա են անկախ նրանից, թե ով ինչպես քվեարկեց փետրվար 18-ին»,- ասաց Հովհաննիսյանը` հավելելով, որ այս փուլը պետք է համերաշխությամբ և սիրով հաղթահարել, քանի որ Մեծ պահք է:
Պատմություններ
