Civilnet
Ազատության հրապարակում արդեն հինգերորդ օրը հացադուլ հայտարարած` «Ժառանգության» առաջնորդ Րաֆֆի Հովհաննիսյանը չի ցանկանում, որ իր համար վրան տեղադրեն: Այս մասին այսօր Ազատության հրապարակում լրագրողների հետ հանդիպմանն ասաց «Ժառանգության» առաջնորդ Րաֆֆի Հովհաննիսյանը:
«Եթե գեներալ Վովա Գասպարյանը ցանկություն ունի ապահովելու իմ առողջության համար համապատասխան պայմաններ, ապա թող նա էլ կազմակերպի»,- հայտարարեց Հովհաննիսյանը` անդրադառնալով վրանի տեղադրման շուրջ իր կողմնակիցների և ոստիկանության աշխատակիցների միջև այսօր տեղի ունեցած քաշքշուկին:
Հարցին, թե արդյոք հնարավոր է նոր հանդիպում Րաֆֆի Հովհաննիսյանի և «Բարգավաճ Հայաստան» կուսակցության ղեկավար Գագիկ Ծառուկյանի հետ՝ Հովհաննիսյանը նշեց, որ այդ հարցով պետք է դիմել ԲՀԿ-ին, քանի որ ինքը միշտ պատրաստ է հադիպել ցանկացած քաղաքական և ոչ քաղաքական գործչի հետ:
«Եթե երբևե եղել է սադրանք կամ պրովոկացիա, ապա դա եղել է իշխանական բուրգը սպասարկող կրիմինալների և այլ անձանց, բայց ոչ մեր ժողովրդի կողմից»,- ասաց Հովհաննիսյանը` հավելելով, որ այսուհետ մեկնաբանելու է միայն գործող նախագահ Սերժ Սարգսյանի հայտարարությունները:
Պատմություններ
